Xidmətlər

Məhsul axtarışı

Məhsul və təchizatçı axtarışı - Çin ilə biznes əlaqələrinin yaradılması yolunda vacib addımdır. Bu, həm də çox böyük riskdir. Çünki, Çində fəaliyyət göstərən fırıldaqçı bir şirkət ilə əməkdaşlığın başlanğıcı ola bilər. Bu cür əməkdaşlığın acı nəticəsi adətən nöqsanlı məhsul və ya çeşidləri dəyişik salmaq, məhsulu lazımi keyfiyyətdə çatdırmamaq, sifarişin yerinə yetirilməməsi, danışıqlarda fikir ayrılığı və s. ola bilər. Biz istədiyiniz məhsulu və etibarlı istehsalçını taparıq, bütün danışıqları və sənədləşməni həyata keçirərik, elə Çindəcə keyfiyyətini və xüsusiyyətlərini yoxlayarıq və yaşadığınız ölkəyə çatdırılmasını təşkil edərik. Məqsədimiz ən optimal seçimi sərfəli qiymətə, zəmanətli, keyfiyyətli və risksiz məhsul formasında sizə təqdim etməkdir.

Axtarış xidməti nədən ibarətdir?

• Çində məhsul və təchizatçı axtarışı yalnız bazarın, qiymətlərin monitorinqi və lazımi məhsulun mövcud olub-olmaması barədə məlumatın təqdim edilməsindən ibarət deyil.
• Büdcədən və texniki tapşırıqdan irəli gələrək sövdələşmənin sifarişçiyə sərfəli olub-olmamasını anlamaq üçün ilkin axtarışı və məhsulun bazardakı yerinin ekspertizasını həyata keçiririk.
• Biz eyni zamanda müxtəlif istehsalçılardan bir neçə variant tapıb sifariş veririk, keyfiyyətini, qiymət siyasətini müqayisə edirik və bu haqda hesabat təqdim edirik.
• Fırıldaqçılıq riskini tamamilə aradan qaldırmaq üçün Çindən olan təchizatçının etibarlılığını və reputasiyasını yoxlayırıq.
• Məhsulu Çindən göndərməzdən öncə topdan alınan partiyanın keyfiyyətini və qeyd edilən xarakteristikalara uyğunluğunu idarə edirik.

Axtarış xidmətinin müddəti və dəyəri. Biz ancaq sizə məhsulu tapmaqda yardımçı ola biləcəyimizə və problemsiz sizə çatdıra biləcəyimizə əmin olduğumuz təqdirdə müraciətiniz üzərində işləməyə başlayacağıq. Axtarış müddəti 1-5 gün təşkil edir.

Xidmətin son qiyməti texniki tapşırıq razılaşdırıldıqdan sonra kommersiya təklifində deyilir. Standart paketə aşağıdakı kateqoriyalarda yer alan məhsullar daxildir: Tekstil, kosmetika, bijuteriya, mürəkkəb texnoloji avadanlıqlar, komplekt, ehtiyat hissələri. Şirkətimizdən “Məhsulun alınması” xidmətini sifariş etdiyiniz halda “Çində məhsulun və istehsalçının axtarışı” xidmətinə daha sərfəli fərdi şərtlər əldə edəcəksiniz.

Axtarış necə həyata keçirilir?

• Xidmətlərdən yararlanmaq üçün ərizəni ətraflı şəkildə doldurub bizə göndərirsiniz.
• Sifariş edəcəyiniz məhsul sadədirsə, artıq növbəti gün təklif alırsınız.
• Məhsul və ya məhsul qrupu mürəkkəbdirsə, ərizənin baxılmasına bir neçə gün sərf edilir.
• Pulsuz ilkin monitorinq həyata keçiririk və sorğunuzun yerinə yetirildiyinə əmin oluruq.
• Sizə xidmətlərimiz qiymətində kommersiya təklifi formalaşdırır və göndəririk.
• Siz təklifi nəzərdən keçirir, xidmətlər üçün qabaqcadan ödəniş edir, biz isə axtarışa başlayırıq.
• İstehsalçılardan olan məhsulların fotolarını tövsiyyələrimizlə birlikdə sizə göndəririk. Bu zaman 1-3 ədəd ən yaxşı variantları seçirik.
• Siz özünüz üçün ən uyğun məhsulu seçirsiniz və biz isə onun tam hesabatını göndəririk. Bununla da bizim axtarış xidməti çərçivəsindəki işimiz bitmiş hesab olunur.
• Ehtiyac yarandığı və sizinlə razılaşdırıldığı təqdirdə ayrıca xidmət çərçivəsində istehsalçıdan həmin məhsulu satın alırıq.

Biz axtardığımız hər məhsulu tapırıq. Lakin hər məhsulu axtarmırıq. Çin dünyanın fabrikidir. Tapılması çətin olan hər məhsulu burada tapa bilərsiniz. Lakin, biz belə həmişə yardım edə bilmirik və məhsul axtarışından imtina etmək hüququnu özümüzdə saxlayırıq. Bəzi məhsullar var ki, onların ölkə ərazisinə gətirilməsi qadağandır. Məhz bu məhsullar şirkətimiz tərəfindən gətirilmir ki, onlara aşağıdakılar daxildir:

• pulların və poçt ödənişi nişanlarının buraxılması üçün avadanlıqlar;
• insan orqanları və (və ya) toxumaları;
• canlı heyvanlar;
• tezalışan maddələr;
• zəhərli və toksikoloji maddələr;
• bioloji və infeksion maddələr;
• civə, kimyəvi reaktivlər və turşular;
• tez xarab olan qida məhsulları;
• öz xüsusiyyətlərinə və ya qablaşdırılmasına görə poçt işçiləri üçün təhlükə yarada bilən, digər poçt göndərişlərinin və poçt avadanlıqlarının zədələnməsinə, xarab olmasına və ya çirklənməsinə səbəb olan göndərişlər;
• sikkələr, banknotlar və yol çekləri.

Dil bilməyinizə ehtiyac yoxdur! Çinlə biznes əlaqələri qurmaq üçün dili bilməyinizə gərək yoxdur. Çünki, biz o dili bilirik və şirkətimizin əsas heyəti ən azı 6 ildir ki, Çində yaşayır. Bu, çox böyük üstünlükdür. Belə ki, çox az sayda Çin istehsalçısı ingilis dilində ünsiyyət qura bilir. Rus dilindən isə söhbət belə gedə bilməz.

Kompensasiya ödənilir! Məhsul axtarışı xidmətindən istifadə edərək satın aldığınız hər məhsula Çindostu şirkəti tərəfindən zəmanət verilir. Nöqsanlı məhsullar aşkarlandığı yük itdiyi, oğurlandığı və ya müsadirə edildiyi təqdirdə kompensasiya ödənilir. (Məhsulun sığortalanması şərtilə)

Etibar etmə yoxla! Bizim mütəxəssislər məhsulun keyfiyyətinin, ölçüsünün, həmçinin də bağlamanın tamlığının və nişanlanmasının inspeksiyasının həyata keçirirlər. Artıq seçilmiş Çin istehsalçıları da ayrıca olaraq monitorinq və reputasiya yoxlamasından keçirlər. Satın alındığı təqdirdə məhsulun bildirilən tələb və xarakteristikalara uyğun olub-olmamasını yoxlamaq üçün bütün partiya diqqətlə keyfiyyət yoxlanmasından keçirilir. Nöqsanlı məhsullar istehsalçıya qaytarılır. Heç bir pozuntu aşkarlanmadıqda bütün partiya bağlanmaya göndərilir və yüklənməyə hazırlanır. Siz ödəniş edirsiniz və heç bir risk altına girmədən nöqsansız, keyfiyyətli məhsul əldə edirsiniz.

Əlavə xərc çəkmədən və yerinizdən durmadan Çində məhsulu necə tapmalı?

Çində məhsul axtarıb tapmaq, onu yaşadığı ünvana çatdırmaq bunu öz ölkəsindən etməyə çalışan insanlar üçün uzun və çətin prosesdir. Belə olan halda lazımi məhsulu və ən yaxşı qiymət və şərtləri təklif edən təchizatçını axtarıb tapmaq mürəkkəb məsələyə çevrilir. Ən çətini isə Çindəki təchizatçıların etibarlılığını yoxlamaqdır. Bu zaman şəxsən Çinə uçmaq, orada məhsul, təchizatçılar və istehsalçılar axtarmaq ehtiyacı yaranır. Bu isə səyahət, yaşamaq, yemək və tərcüməçi xidməti üçün əlavə xərclər deməkdir.

Ölkənizdə biznesinizin miqyasını genişləndirməklə və onu daha da irəliyə aparmaqla məşğul olduğunuz zaman həm də vaxt və vəsait xərcləmədən Çindən lazımi məhsulu axtarıb tapmaq istəyirsiniz?

Biz bunu sizin yerinizə tez bir zamanda, risksiz və etibarlı şəkildə həyata keçirərik. “Çindostu” şirkəti Çində 2000-dən çox istehsalçını və təchizatçını özündə cəmləyən bazaya sahibdir və müntəzəm olaraq Çində baş tutan ixtisaslaşmış sərgiləri və konfransları ziyarət edir. Həmçinin Çin istehsalçıları ilə danışıqlar, müqavilələrin bağlanması və məhsulun istehsalının və Çindən topdan gətirilməsinin bütün mərhələlərində post-kontrol sahələrində 6 ildən çox təcrübəyə malikdir. Müxtəlif ölkələrdən olan yüzlərlə müştərimiz bizə güvənir. İnanmırsız? Özlərindən soruşun.